Guðfinna og creationismi

Í fyrradag var lítil frétt á RUV-vefnum (http://www.ruv.is/heim/frettir/frett/store64/item172934/) um að Guðfinna Bjarnadóttir hefði neitað að skrifa undir ályktun Evrópuráðsins um creationisma. Samþykktina er að finna hér: http://assembly.coe.int/ASP/Doc/ATListing_E.asp. og umræðu um málið á þingi Evrópuráðsins hér http://assembly.coe.int/Main.asp?link=/Documents/Records/2007/E/0710041500E.htm.

Þetta finnst mér undarleg afstaða fyrrverandi háskólarektors.  Ég átta mig ekki á afstöðu hennar af því sem hún sagði á þingi ráðsins.  Tekur hún undir efasemdir um þróunarkenninguna?  Eða ekki?  Í framhaldinu má síðan spyrja hvort menntamálaráðherra og forsætisráðherra, sem jafnframt er formaður Vísinda- og tækniráðs, séu sammála afstöðu Guðfinnu?  Er þetta kannski afstaða ríkisstjórnar Íslands?

Eiríkur Steingrímsson

Athugasemdir

[Arnar Palsson (IP-tala skráð) 12.10.2007 kl. 16:03]

Tek undir orð Eiríks.

Þeir sem hafa fylgst með áróðri sköpunarsinna og baráttu gegn vísindakennslu, aðallega í Bandaríkjum Norður Ameríku en einnig í Evrópu, skila hversu alvarlegt málið er. Við, Íslenska þjóðin og mannkynið, höfum ekki efni á að gengisfella vísindakennslu til að þóknast túlkun trúarhópa á "helgum" textum.

Afstaða Guðfinnu í þessu máli er illa rökstudd og mjög undarleg, sértaklega þar sem hún leiddi uppbyggingu Háskóla Reykjavíkur af myndarbrag. Hún þarf að skýra afstöðu sína í þessu máli, en alþingi þarf einnig að senda skýr skilaboð um að Ísland sé land mannauðs, vísinda og þekkingar.