Erindi Ingu Dóru Sigfúsdóttur á málþingi um fjármögnun vísinda 29. apríl

RANNSÓKNIR Í HÁSKÓLASTARFI: GRUNDVÖLLUR ÞRÓUNAR

Sé það eitthvert eitt atriði sem einkennir góða háskóla, - er það öflugt og gott rannsóknarstarf. Sköpun þekkingar og miðlun hennar eru samofin og nátengd fyrirbæri. Þar sem þekkingarsköpunin er virk er starfið í heild betra. Þetta er samhljóma niðurstaða allra úttekta á gæðum háskóla hvar sem er í heiminum. Fjöldi birtra vísindagreina á alþjóðlegum vettvangi, - fjöldi tilvitnana, hlutfall stundakennara við skólann, hlutfall doktorsmenntaðra kennara, hlutfall nemenda á kennara. Þetta eru mælikvarðarnir sem notaðir eru til að segja til um gæði starfsins. Þeir eru alþjóðlegir, - þeir eru opinberir. Þeim verður beitt til að meta gæði okkar starf, - hvort sem okkur líkar betur eða verr. Það er tómt mál fyrir íslenska háskóla, að tala um að ætla sér hlutverk sem alþjóðlegir skólar, ef við stöndum okkur ekki samkvæmt þessum mælikvörðum. Vissulega er mikilvægt að skilgreina markmiðin sem stefnt er að. Ólík markmið kalla á mismunandi mælikvarða. En sé það eitt af meginmarkmiðum tiltekins skóla eða deildar innan skóla að þar skuli starfa vísindamenn sem leggi metnað sinn í að standa framarlega í samanburði við aðra, er augljóst að beita þarf alþjóðlegum mælikvörðum til þess að meta hvernig tekist hefur.

... 

Allt erindið má lesa  hér.