Orð eru til alls fyrst

Þrátt fyrir að íslenskt fræða- og vísindasamfélag hafi tekið stórfelldum framförum á undanförnum árum, er enn margt sem betur mætti fara, sérstaklega í fjármögnun og skipulagi vísinda og fræða.

Óformlegur og þverpólitískur hópur fólks hefur nýlega myndast, hvers takmark er að taka þátt í að styðja við þroska og þróun íslensks þekkingarþjóðfélags, í breiðum skilningi þess orð. Þessi bloggsíða verður vonandi málpípa, greinasafn og samkomustaður þess hóps. Þeim er vilja slást í hópinn eða birta greinar á síðunni, er bent á að hafa samband við ritstjóra. 

 Ef að til tekst verður umræðan vonandi m.a. uppbyggileg gagnrýni og lof á það sem vel er gert, sem vissulega er margt. Kerfi Mbl gefur þáttekendum einnig færi á að kommentera á fréttir líðandi stundar og er því eitt meginmarkmið okkar að ýta undir, og vonandi bæta, umræðu um menntamál, vísindi og fræði eins og hún birtist í fjölmiðlum.

Efni verður birt undir nafni og á ábyrgð höfundar. 

Pétur H. Petersen, sjálfskipaður fyrsti ritstjóri